Главная страница arrow Мероприятия arrow Акын жЇрйгЇ тЇбйлЇктЇЇ йчпйс от  
22.07.2017
Мы в соцсетях
FacebookInstaGramFlickr
Акын жЇрйгЇ тЇбйлЇктЇЇ йчпйс от
06.04.2017
    2017-жылдын 29-мартында Кыргыз Республикасынын А.Осмонов атындагы Улуттук китепканасында көрүнүктүү акын, драматург, котормочу Жусуп Турусбековдун чыгармачылыгына арналган “Акын жүрөгү түбөлүктүү өчпөс от” аттуу китеп-сүрөт көргөзмөсүнүн ачылышы  жана эскерүү кечеси өткөрүлдү.
    Көргөзмөгө кыргыз эл жазуучулары КР Баатыры Б.Жакиев, М.Байжиев, К.Ашымбаев, кыргыз эл акыны О.Султанов, философия илимдеринин доктору, профессор Ж.Каниметов, филология илимдеринин доктору. профессор О.Ибраимов, акын, Т.Орокчиев, геология-минералдык илимдеринин доктору, профессор  К.Бөкөнбаев, Скрябин атындагы кыргыз агрардык университетинин проректору К. Чортонбаев, коомдук ишмерлер, акын, жазуучулар, маданият жана илимий кызматкерлер, студенттер, массалык-маалымат каражаттарынын өкүлдөрү, Ж.Турусбековдун туугандары, жердештери катышышты.
   Китеп-сүрөт көргөзмөсүн жана эскерүү кечесин Улуттук китепкана директору Ж.Бакашова кириш сөз менен ачты. Ал төмөнкүлөргө токтолду.
 Жусуп Турусбеков кыргыз совет адабиятынын баштоочуларынын бири, адабияттын татаал тепкичтеринен басып өтүп, туу чокусуна чыккан, адабий чөйрөгө таасирин калтырган таланттуу акын, драматург, котормочу болгон. Жусупту акын кылып турган анын лирикасы, философиясы. Анын алгачкы ырлары профессионалдык деңгээлинин бийиктиги, өз алдынчалыкка умтулуусу, оюнун ачыктыгы аркылуу кезинде кыргыз поэзиясынын асманында чолпон жылдыздай жаркырап көрүнүп турган. 
  “Жусуптун ырлары төрт аягы төп келген күлүк сымак сезилчү, анын токтоолугу, күңгүрөнмө ойчулдугу, жөнөкөйлүгү өтө салабаттуу көргөзүп, жаныбызга келсе поэзия пири келгендей сезер элек” деп – эскерип айтчу КР Баатыры, жазуучу  Т.Сыдыкбеков.
  Б.Жакиев, М Байжиев, О.Султанов, К.Чортонбаев, Т.Орокчиев, ж.б сөз сүйлөшүп,  анын чыгармачылыгы, басып өткөн жолу жөнүндө олтурган студенттерге кеңири маалымат беришти. Ж.Турусбековдун жубайы акын жөнүндө анын  бапыраган пейили, ак көңүлдүүлүгү, баласактыгы, жароокер мүнөзү, ак ниеттиги, чынчылдыгын эскергенин айтып өттү кыргыз эл жазуучусу М Байжиев.  Акындын ар бир жылдарындагы ырларына көз чаптырсак акындын талантынын бийиктиги жана поэзияга сапаттуу болгон ушунчалык назиктиктен жаралган эргүүнүн гүлүн алып кирет. Мына ушул гүлдөн бөлүнүп чыккан нектар Жусуптун ырларына гана таандык нерсе. Анын ырларынын дагы бир сапаты  башка акындардын чыгармаларынан айырмаланып Жусупка гана тиешелүү ыкма, өзгөчөлүк сезилип турганында.
  Акындын өзгөчө орунду ээлеген чыгармасы «Ажал ордуна» музыкалуу драмасы. Бул драма 1939-жылы Москвадагы өткөн Кыргыз искусствосунун 1-декадасында улуттук жаш маданияттын көрүнүктүү чыгармасы катары борбордун көрүүчүлөрүнө тартууланган. Драма орустун белгилүү искусство ишмерлери жана көрүүчүлөр тарабынан жогору баага татыктуу болгон. А. Корнейчук өз баасын берген: «Мен жолдош Турусбековду чын дилимден куттуктагым келет.  Бул чындыгында эле чоң драмалык деми бар элдик дастан... Кыргыз эли ушул жаркыраган, таланттуу чыгармасы үчүн анын авторуна татыктуу алкышын айтат» - деген. Чындыгында эле бул драма ушул мезгилге чейин театр сахнасынан түшпөстөн келе жатат.
  Ж. Турусбековдун эмгеги жогору бааланып «Ардак Белгиси» ордени менен сыйланган. Жусуп Турусбеков котормочу катары да таанымал. Ал А. Пушкиндин, «Таш коногун», Генрих Гейненин, А. Жаров менен А. Безымянскийдин ырларын которгон.
 Ж.Турусбеков жөнүндөгү маалыматтар, китептер, газета-журналдар, ал жөнүндө жазылган ар түрдүү экспозициялар көргөзмөдө орун алган.
  Иш чара катышуучулар тарабынан кызуу колдоого алынып, өз максатына жетти.
 
< Пред.   След. >
EnglishKyrgyzRussian