Суроолор-жооптор

1. УКда окуу билетин кантип алуу керек?

УКнын окурманы болуу үчүн сөзсүз турдө өзүнүн ким экендигин билдирүүчү документ (паспорт), 3х4 өлчөмүндөгү сүрөт, окурмандык билеттин 1 жылдык акысы – 30 сом.

• Эгерде студент болсоңуз, анда студенттик билетиңизди же окуган жериңизден справка;
• Эгерде иштесеңиз, анда иштеген жериңизден справка;
• Эгерде мектеп окуучусу болсоңуз, анда мектептен справка жана туулгандыңыз тууралуу күбөлүк.

2. Китепканага жазылуу үчүн жаш өзгөчөлүгүнүн чеги барбы?

Ооба, китепканага 10, 11-класстын окуучулары гана жазыла алышат?

3. Окуу билетине льготалар берилеби?

Ооба, пенсиялык күбөлүгү боюнча ардагерлер бекер окуу билетин ала алышат.

4. Улуттук китепканада кандай адабияттар бар?

Улуттук китепкананын фонду 6 млн.го жакын дүйнөнүн 89 тилиндеги басылмаларына ээ. Адабияттар кыргыз, орус жана башка топтоштурулган китепкананын фонддорунда экономика, медицина, айыл чарбасы, юриспруденция, философия, тарых, жаратылыш жана техникалык илимдер, психология, педагогика жана башка илимдин тармактары боюнча адабияттар бар.

5. Мени кызыктырган информацияны кайдан жана кантип алам?

Китепкананын экинчи кабатында каталогдор залы, алфавиттик каталог, системалык каталог жана алфавиттик-предметтик көрсөткүч жайгашкан. Окурман каталогдон өзүнө керектүү карточканы табат да, китептин авторун (же ошол китептин жооптуу редакторунун фамилиясын), китептин атын жана шифрин окурмандык бланкка толтурат.
Алфавиттик каталог — бул карточкалар китептин (басылыштын) авторунун фамилиясы же китептин аты алфавит боюнча жайгаштырылган каталог.
Системалык каталог — мында карточкалар ошол изделип жаткан китеп жөнүндөгү информация ага тиешелүү илимдин тармагы жана өзүнчө тема боюнча жайгаштырылат. Мисалы, физика бөлүмүндө туризм жөнүндө информация болбойт.
Алфавиттик-предметтик көрсөткүч — системалык каталогдогу илимдин бардык тармактарынын аттары же негизги сөздөр (Мисалы, «Рыцарлар» же «Дене тарбия» ж.б.) алфавиттик тартипте жайгаштырылган.
Шифр - бул китепсактагычтагы документтин белгиленип коюлган орду.

6. УКдан кандай информация алууга болот?

Мүмкүн болушунча бардык информацияны алууга болот. Китепкананын фонду универсалдуу, 6 млн.го жакын нускадагы документтерге ээ. Информацияны алып жүрүүчүлөрдүн өздөрү да ар түрдүү, алар – китептер, газеталар, грампластинкалар, карталар, микрофиштер, электрондук маалыматтар базалары.

7. Китепкана үйгө китеп береби?

Эгерде сизге керектүү китеп көп суралбаган же өзгөчү баалуу, сейрек китептерден болбосо, анда ал 1 күнгө 5 сомдон берилет. Андан тышкары Бишкек шаардык каттоосу паспортуңуз жана 20 сом өлчөмүндөгү залог керек (3 китепке чейин берилет).

8. Эгерде үйгө алынган китеп айрылган болсо же жоголуп кетсе, эмне кылуу керек?

Андай болгон убакта бул китепти кайра мурунку калыбына келтирүүңүз (же көчүрмөсүн алууңуз) керек жана китептин баасы 10 эсеге көбөйтүлгөн өлчөмүндөгү штраф төлөйсүз.

9. Эгерде керектүү китепти кайдан алууну билбесем кимге кайрылуу керек?

УКнын фонду жөнүндө кандай суроо болбосун каталог залында күзөттө отурган консультанттан сурасаңыз, тиешелүү жооп ала аласыз.

10. Жаңы газета-журналдар же китепканага жаңы түшкөн китептер менен кайдан таанышууга болот?

УКнын 3-кабатында жаңы эле түшкөн китептер, газета-журналдар жана авторефераттар коюлган Жаңы түшкөн басылмалар залы иштейт.

11. Китепканада чет тилдеги адабияттар барбы?

Огомбаев – 242 дареги боюнча жайгашкан китепкананын 2-имаратында Чет тилдеги адабияттар бөлүмү бар. Ал жерден англис, немец, француз ж.б. тилдеги адабияттарды таба аласыз. Алардын көпчүлүгүн чет өлкөлүк справкалык адабияттар: тематикалык энциклопедиялар, түшүндүрмө жана терминологиялык сөздүктөр түзөт.

12. Ретроспективдүү адабияттар, (анын ичинде газета-журналдар) кайерде сакталат?

1966-жылдан бери чыгып келе жаткан ретроспективдүү адабияттар (анын ичинде газета-журналдар) китепкананын 2-имаратында (Огонбаева, 242 дареги боюнча) депозитардык сактоо бөлүмүндө сакталып турат.

13. Кыргызстан жөнүндөгү маалыматтарды кайдан алуу керек?

Кыргызстан жөнүндөгү бардык информациялар китепкананын 2-кабатындагы Улуттук библиография бөлүмүнөн табууга болот.

14. Бугунку кундо оперативдуу информацияларды мезгилдуу басмалардан гана алууга болот. Бирок бардык газета-журналдарды карап чыгууга убакыт да, куч да жетпейт. УК бул проблеманы кандай чечуудо?

Китепкананын фондуна түшкөн мезгилдүү басмалардын бардыгын библиографтар жазып чыгышат. Бөлүнүп алынган информациялардын негизинде макалалардын системалык картотекасы түзүлгөн жана ал регулярдуу түрдө толукталып келүүдө. Газета-журналдардагы материалдар илимдин тармактары боюнча бөлүнөт.

15. Эмне үчүн талап кылуу бланкына китептин шифрын сөзсүз түрдө жазуу керек?

Туура, так жазылган шифрсыз фонддон китепти тез табууга мүмкүн эмес. Анткени, шифр китепсактагычтагы китептин турган ордун көрсөтөт.

16. Эгерде УКнын фондунда керектүү китеп болбосо аны кайдан табуу керек?

Китепкананын фондунда жок документтерди республиканын жана ошол сыяктуу эле жакынкы жана алыскы чет өлкөлөрдүн информациялык борборлорунан заказ кылып алуу менен окурмандардын суроо-талаптарын китепкана аралык абонемент бөлүмү канааттандырат. Бөлүм УКнын 1-кабатында жайгашкан.

17. УКнын иштөө режими кандай?

Китепкана ар күнү эртең мененки саат 800дөн кечки 1800гө чейин тыныгуусуз, дем алышсыз иштейт. Ар бир айдын акыркы жума күнү – санитардык күн.

18. Окурмандык билет алуу үчүн сөзсүз түрдө шаардык каттоо керекпи?

Шаардык каттоонун болушу сөзсүз эмес, китепканага шаардыктар сыяктуу эле башка обласстардын жашоочулары да жазыла алышат.