Кыргызстан, г. Бишкек,
ул. Абдрахманова 208

Кыргыз ССРинин эл акыны, драматург, котормочу Кубанычбек Маликовдун 110 жылдыгына арналган «”…Кыргыздан чыккан булбулум…” аттуу китеп-сүрөт көргөзмөсү уюштурулду.

Кыргыз ССРинин  эл акыны, драматург, котормочу Кубанычбек Маликовдун 110 жылдыгына арналган «”…Кыргыздан чыккан булбулум…” аттуу китеп-сүрөт көргөзмөсү уюштурулду.
19 Сен 2021

2021-жылдын 17-сентябрында Кыргыз Республикасынын А.Осмонов атындагы Улуттук китепканасынын Сейрек кездешүүчү жана өзгөчө баалуу басылмалар бөлүмүндө Кыргыз ССРинин эл акыны, драматург, котормочу Кубанычбек Маликовдун 110 жылдыгына арналган
«”…Кыргыздан чыккан булбулум…” аттуу китеп-сүрөт көргөзмөсү уюштурулду.
Акын, драматург Кубанычбек Маликов Кыргыз ССРинин Аламүдүн районундагы Үч-Эмчек айылында 1911-жылы 16-сентябрда туулган. 1931-жылы Фрунзедеги педтехникумга кирген.
Эмгек жолун 1926-жылы «Эркин-Тоо» гезитинин Фрунзе облусу боюнча кабарчысы болуп иштөөдөн банггаган. 1931-жылы «Кызыл Кыргызстан» гезитинде бөлүм башчы, 1934-1935-жж. жооптуу катчы, 1932-1933-жж. «Ленинчил жаш» гезитинде редактордун орунбасары, 1935-1937-жж. «Кыргызмамбаста» бөлүм башчы, 1944-1946-жж. «Советтик Кыргызстан» гезитинде башкы редактор, 1937-1942-жж. Кыргызстан Жазуучулар союзунун башкармалыгында катчы, 1947-1949-жж. төраганын орунбасары, 1954-1959-жж. жооптуу катчы, 1959-1973-жж. адабий кеңешчи, 1942-жылы Ворошилов ГЭСинин курулушунда жумушчу колоннасынын комиссары, 1943-1944-жж. адабият бөлүмүнүн башчысы, 1951-1952-жж. Кыргыз драмтеатрында директор болгон.
Педагогикальж техникумда окуп жүргөн мезгилинде К. Маликов сту- денттердин адабий ийримине жигердүү катышып, «Балапандар» атгуу кол жазма журналы менен кызматташкан.
«Жазгы кош айдоо» деген биринчи ыры 1928-жылы «Эркин-Тоо» гезитине басылып, 1931-жылы «Теңдик курманы» аттуу пьесасы өзүнчө китеп болуп чыккан.
1935-жылы К.Маликов «Театрдык ырлар» деген ырлардын циклы үстүндө иштеп, кыргыз эстрадасынын түзүлүшүнө жана калыптанышына зор салым кошкон.
К.Маликов «Манас» эпосун изилдөөгө жана басып чыгаруу ишине активдүү катышып, А.Токомбаев менен бирдикте эпостун жыйынтыкталган үч томдугунун үстүндө көп жылдар бою эмгектенген. Ал вариант казак, тажик жана өзбек тилдерине которулган.
«Интернационал» гимнин кыргыз тилине которушкан жана Кыргыз ССРинин Мамлекеттик гимнин жазышкан авторлордун бири. Ошондой эле А. С. Пушкиндин, М. Ю. Лермонтовдун, В. В. Маяковскийдин, Т. Г. Шевченконун, С.Стальскийдин ж.б. чыгармаларын кыргыз тилине которгон. 1934-жылдан СССР Жазуучулар союзунун мүчөсү.
1978-жылы «Бийик жерде» пьесасы үчүн К.Маликов Кыргыз ССРинин Токтогул атындагы Мамлекеттик сыйлыгына татыктуу болгон. 1969-жылдан Кыргыз Эл акыны.
«Ленин», «Эмгек Кызыл Туу» ордендери, үч «Ардак белгиси», «1941- 1945-жылдардагы Улуу Ата Мекендик согушта Эмгектеги каармандыгы үчүн» медалдары, Кыргыз ССР Жогорку Кеңешинин Ардак грамоталары менен сыйланган.
К.Маликов СССР Жазуучулар союзунун 1-съездинин делегаты болгон. Фрунзе шаардык кеңешине депутат болуп шайланган (1939, 1956).
Көргөзмөдө К. Маликовдун китептери, газета-журналдык макалалар, фотодокументтери жайгаштырылды.

Көргөзмө менен окурмандар кеңири маалымат алууга мүмкүнчүлүк алышат.
Дареги: Бишкек,ш. Ю. Абдырахманов көч., 208.
Кыргыз Республикасынын Улуттук китепканасы тел.: 30-47-04