2022-жылдын 23-cентябрында А.Осмонов атындагы Кыргыз Республикасынын Улуттук китепканасынын Юридикалык адабият бөлүмүндө кыргыз тили күнүнө карата “УЛУТТУ УЛУТ КЫЛГАН – ТИЛ!” аттуу маалымат бурчу уюштурулду.
Эскерсек, Кыргызстанда кыргыз тили 1989-жылдын 23-сентябрында мамлекеттик тил макамына ээ болгон.
“Эне тилин билбеген, элин сүйүп жарытпайт!” — деп Байдылда Сарногоевдун таамай айтылган сөзүн, ар бир жаран күнүгө эсине тутуу менен иш алып баруусу патриоттукка үндөйт.
Маалымат бурчунда төмөнкүлөр колдонулду: Кыргыз Республикасынын мыйзамы 2004-жылдын 2-апрели №54 “Кыргыз Республикасынын мамлекеттик тили жөнүндө”, Кыргыз Республикасынын Президентинин жарлыгы 2009-жылдын 22-сентябры №358 “Кыргыз Республикасынын мамлекеттик тилинин күнүн белгилөө жөнүндө”, Кыргыз Республикасынын Жогорку Кеңешинин Мыйзам чыгаруу жыйынынын 2002-жылдын 28-июнундагы №830 II токтомуна тиркеме “Кыргыз тилинин жазуу эрежелери” жана учкул сөздөр менен көркөмдөлдү.
Дареги: Бишкек ш, Абдрахманов көч. 208, Кыргыз Республикасынын Алыкул Осмонов атындагы Улуттук китепканасынын Юридикалык адабият бөлүмүндө
