2023- жылдын 24-октябрында Кыргыз Республикасынын А.Осмонов атындагы Улуттук китепкананын сейрек кездешүүчү жана өзгөчө баалуу басылмалар бөлүмүндө кыргыз адабият таануу тармагында ата — мекендик илимий мектептин негиздөөчүсү Абдыкадыр Садыковдун 90 жылдыгына арналган, окумуштуу, устат жана педагог Абдыкадыр Садыков 90 жашта аттуу китеп көргөзмөсү коюлду.
Абдыкадыр Садыков Нарын облусунун Ат-Башы районундагы Кара-Суу айылында 1933-жылы 25-октябрда жарык дүйнөгө келген. 1953-жылы КМУну аяктап, 1980-жылы илимдер академиясынын тил жана адабият институтунун директорлугуна дайындалган. 1994-жылы Кыргыз Республикасынын илимине эмгек сиңирген ишмер, 2004- жылы Кыргыз Республикасынын Касым Тыныстанов атындагы Мамлекеттик сыйлыктын лауреаты болгон.
Илимий — методикалык эмгектеринин жалпы саны- 360, анын ичинен 80 и өзүнчө басылып чыккан китептер, окуу куралдары, макалалар жыйнагынын автору.
Көргөзмөнү көрүп кетүүгө Улуттук китепкана окурмандарын чакырат.
