Алыкул Осмонов эл аралык фондунун жана уюштуруу комитетинин президенти Осмонов Бек Алтынбековичтин демилгеси менен 2025-жылдын 12-декабрында Алыкул Осмонов атындагы Кыргыз Республикасынын Улуттук китепканасынын Ч.Айтматов залында акындын 110 жылдык мааракесине арналган адабий кече уюштурулду.
Иш-чарага Улуттук китепкананын директору Аттокуров Элдар Эртабылдыевич жана белгилүү акын-жазуучулар, маданият кызматкерлери жана окурмандар катышып, Алыкул Осмоновдун чыгармачылыгы, өмүр жолу жана адабияттагы орду боюнча баяндамалар окулду.
Мааракенин алкагында акындын мурасын даңазалоого салым кошкон бир катар катышуучулар «Алыкул Осмонов – 110 жыл» аталышындагы атайын төш белгилер менен сыйланышты.
Алыкул Осмоновдун поэзиясы кыргыз адабиятынын лирикалык багытын байытып, адамдык тазалыкты, сүйүүнү жана руханий баалуулуктарды даңазалоосу менен өзгөчөлөнөт.
Иш-чара Алыкул Осмонов атындагы эл аралык фонд тарабынан колдоого алынып, жогорку деңгээлде өткөрүлдү.
