2025-жылдын 25-мартында Алыкул Осмонов атындагы Кыргыз Республикасынын Улуттук китепканасында кыргыз поэзиясынын классиги Алыкул Осмоновдун туулган күнүнүн 110 жылдыгына карата жарыяланган он күндүк декаданын алкагында Алыкулдун чыгармачылыгы тууралуу тегерек стол өткөрүлдү.
Бул иш-чарага легендарлуу парламенттин депутаты, “Айкөл Манас баяны” фондунун төрагасы Бактыбек Максүтов, Кыргыз Республикасынын эл жазуучусу, акын Асан Жакшылыков, эркин журналист, “Ак-кеме” кыргыз коомунун негиздөөчүсү Мелис Арыпбек, Кыргыз Республикасынын эл акыны Тазагүл Закирова, “Алыкул таануу” илимий борборунун жетекчиси Замирбек Асаналиев, “Улуу Тоолор” басма үйүнүн негиздөөчүсү Жумадин Кадыров, Б. Бейшеналиева атындагы Кыргыз мамлекеттик маданият жана искусство университетинин окутуучусу Эркин Амангелдиев жана Бишкек шаарындагы Алыкул Осмонов атындагы №68 жалпы билим берүү мектебинин мугалимдери жана окуучулары, жалпыга маалымдоо каражаттарынын өкүлдөрү катышты.
Тегерек столдо алп акын Алыкулдун чыгармачылыгы, тагдыр жолу, сүйүүсү, трагедиясы жөнүндө кызыктуу, кеңири талкуу болуп, иш-чаранын соңунда мектеп окуучулары тарабынан акындын ырларынан көркөм окулду.
