2023-жылдын 28- августунда, Сейрек кездешүүчү жана өзгөчө баалуу басмалар бөлүмүндө тарыхчы жана этнограф, Кыргыз ССР инин Илимдер Академиясынын академиги Сатар Ильясовдун 115 жылдыгына арналган китеп көргөзмөсү ачылды.
Сатар Ильясов 1908 -жылдын 28 — августунда Ысык-Көл районуна караштуу Тору-Айгыр айылында туулган. 1987- жылдын 31-мартында Бишкек шаарында каза болгон. Ал — тарыхчы, этнограф, тарых илимдеринин доктору( 1967), профессор(1968), Кыргыз ССРинин Илимдер Академиясынын академиги (1969; мүчө корр. 1960)) ж.б. 1938-жылы Кыргыз Педагогикалык Мамлекеттик Институтун буткөн. 1939-1944-жылдары Ысык-Көл Райондук Элге Билим Берүү бөлүмүнүн инспектору, Кыргыз Мамлекеттик Педагогикалык Иститутунда мугалим, кафедра башчысы, декан, 1944-1965-жылдары Кыргыз ССРинин Илимдер Академиясынын Тарых институтунда кенже илимий кызматкер, сектор башчы, директор, илимий кенешчи, 1966-1977-жылдары Кыргыз КП БК нын Партиянын тарыхы институтунда директор болуп иштеген. Кыргызстандагы агрардык маселеге, Ысык-Көл кыргыздарынын этнографиясын изилдөөгө арналган 100дөн ашык илимий эмгектин автору, үч «Ардак Белгиси», «Эл достугу» ордендери менен сыйланган. Кыргыз Республикасынын илимине эмгек сиңирген ишмер(1975).
